Jowai, Naitung 23: Ka KSU Jaintia hill District Unit ka la pynmih sa kawei ka unit bathymmai kaba la ai kyrteng kum ka Leimow Unit kaba mut ba nongialam ki dei kiba na ki lai tylli ki Shnong kiba marjan Mowkaiaw,Mowtyrshiah,Mowkhap.
Ia ki nongkitkam jong kane ka Unit lah pynbam smai da u Samla Readyone Nongrum Education Secretary Central body. Ryngkat ka jingiadon lang u Samla Richard Mawkhiew na Nongthymmai Circle,Samla Shiningstar Kharbikhiew na NEHU Unit bad kiwei kiwei de ki nongialam na ki district ki Circle ki Unit bapher kiba napoh ka district.
Lah pyntian smai ia ki nongialam jong ka Leimow Unit hadien ba lah dep jied ia u Leningrad Tariang kum u President, General Secretary u samla Riladap Shadap, Assistant General Secretaryu samla Javeline shadap, Publicity secretary u samla Fivestar Suiam, Eduacation secretary samla Tammiki Shadap, lem bad 33 ngut kiwei de ki nongkit kam.
Haba ai jingkren u samla Richard Mawkhiew u la ong ba “Ka seng KSU kadei kum kata ka Lyer kaba ki paid ka bri U Hynniewtrep ki ring mynsiem, ka mut ba katba ka KSU ka dang don ka mut ba ka jaitbynriew ruh ka dang im,”.
U tei u nongialam samla rangbah u la pynpaw ruh ia ka jingdonkam ba ki Unit ki circle ki ba don haka kin long kiba khlain namar ba ka don khappud bad ka Assam ba ki jingeh kiba bun ki lah ban wan ha kano kano ka por. Ka long kaba donkam ban iatreilang bad ka shnong khamtam ha ka ban wadlad ban kynrong ia ka pule puthi khnang ba ki nongmihkhmat ne ki nongwei kin ym ioh shim kabu ia ki paidbah.
Ka long ruh kaba Donkam ban tehlakam ia ka jingtuid kyrthep ki mynder ri bad ban khanglad ia ka shongkha khleh. U la kyntu ia ki samla ban imsngi ban trei minot da ka jingshlur, jinglehrit bad iaid da ka lynti ha kino kino ki kam khnang ba kin kiew ha ka jingim ba man ka sngi.