Shillong, Nailar 31: Ka Hynñiewtrep Youths’Council (HYC) Education Cell CEC, hynne ka sngi ka la leit ban ia kynduh ia i Director of Agriculture (Research, Training and Technology) ha kaba iadei bad ka list ba la pynmih myn ha ka 28-08-20 na bynta ka B.sc (Hons) 4year courses lyngba ka state Quota ban leit pule ha ka College of Agriculture, Manipur.
Ha Kane ka jingiakynduh,ki nongialam ka Seng ki la twad jingmut bad pan jingpynshai na i director halor ki 14ngut ki khynnah kiba la mih kyrteng ha ka list,ha kaba 3ngut na kine ki dei ki bar jylla,4ngut ki khasi bad 7ngut ki Garo bad kumjuh ruh halor ka Schedule caste bad OT kaba ki 3ngut ki samla pule bar jylla ki la ioh.
Ka Seng ka la iakren ruh halor ka reservation seat naka bynta ki khynnah khasi kiba don tang 4ngut naka list Jong ki 14ngut ki khynnah pule kiba la mih kyrteng ha ka list.
Naka liang ka seng ka la ioh iaki jingpynshai ba paka bad kaba bniah na i director of Agriculture (R&T) haba naka liang Jong ka director kala iathuh ba kato ka list kaba la pynmih ha ka 28tarik ka dei tang ka first list namar ka jingbthah ba kyrkieh Jong ki Bor pyniaid Jong ka College of Agriculture, Manipur ban phah noh iaki list Jong ki khynnah Meghalaya.
Shuh shuh naka liang Jong i director i la pynshai ruh ba ka total seat baroh Kam dei tang 14seat kumba la mih ha ki social media, Hynrei ka total seat baroh ka dei 42 seat kaba la mang iaki khynnah pule Jong ka Meghalaya naka bynta Kane ka course B.SC(hons) Agriculture.
Na kane ka 42 seat kaba don, 20ngut la ai bhah iaki khynnah khasi-Jaintia, 17 iaki Garo bad 5seat iaki bar jylla katkum ka reservation policy kaba la mang 40% iaki khasi-Jaintia, 40% iaki Garo bad 5% pat ia kiwei ki jaitbynriew bad i la phla ha khmat ka Seng ba Kam shim la don Kano Kano ka jingleh shilliang khmat iaki khynnah pule khasi-Jaintia ha Kane ka jingbhah kyrpang iaki seat lyngba ka state Quota Hynrei ka department ka la iaid thik katkum ki kyndon ba la buh bad kumjuh ruh halor ka jingmih kyrteng ki 2ngut ki khynnah bar jylla (scheduled caste) ka dei tang ka jingbakla print bad Kam dei satia kaba la leh khnang.
Na ka liang ka Department of Agriculture ruh mynta ka sngi ka la dep ban pynmih pura lut iaka list Jong ki 42ngut ki khynnah pule kaba la mang kyrpang iaka Jylla Meghalaya, la iathuh u bah Enlang Sawian Secretary Education Cell HYC CEC.
