Shillong, Naitung 26: U president jong ka BJP u Bah Shibun Lyngdoh mynta ka sngi u la pynshai paidbah ba ka North East Democratic Alliance (NEDA) kam dei ka kynhun seng sain pyrthei hynrei ka dei tang ka kynhun ban ia kren ia ki kam pynroi sha kane ka dong shatei lam mih ngi jong ka Ri India na ki seng ki riewlum bad ka seng BJP.
Ha dienb a ka BJP kala wan ha ka bor ka la idon kam ban don ia ka kynhun jong ki MLA kiban kren ha ki iing dorbar thawain jong ki jylla ha kaba ia dei bad ki kam pynroi ha kane ka thain, khamtam eh ka jylla Meghalaya bad Mizoram ha kaba ka BJP kam don ia ki MLA.
Ka NEDA mynta kala plié ia ka ophis trei kam jong ka ha Guwahati ha kaba ki seng riewlum baroh jong kane ka dong shatei lam mih ngi kim phah ia ki jingdon kam ka jong ki sha ka sorkar pdeng lyngba kane ka kynhun. Kane ka kynhun NEDA ka long beit tang ban piet i aka roi ka par jong kane ka thain.
Halor ka jingbym treh jong ki katto katen ki seng riewlum kum ka HSPDP na kane ka jylla ban ia don bynta ha kane ka kynhun, u bha Shibun u la ong ba kam don jingpher ei ei lada kim don ruh namar kam shym la ong ba baroh ki dei ban hynrei tang kito kiba kwah.
Na kane ka jylla Meghalaya ki party kiba don ha ka NEDA ki dei ka NPP bad ka UDP, u Bah Shibun u la pynshai biang ba kane ka kynhun kam don jingiadei bad ka seng sain pyrthei ka long beit tang n aka bynta ki kam pynroi ha kane ka thain.
