Shillong, Nailar 03: Ka ophis jong ka “Passport Seva Kendra” Shillong kam don ophisar mynta la ar snem, ka jingbym don ophisar kala pynslem ban ioh ia ka jingmynjur ia kito kiba apply passport, ia mynta ki hap ban phah sha Guwahati ban ioh ia ka jingmynjur.
Katkum ki thymmei khubor kiba la ioh la ong ba kiba don ha kane ka ophis kaba don kam ha Shillong don tang ki nongtrei ym don ophisar bad ia kaei kaba ki paidbah kane ka jylla Meghlaya ki apply passport la hap ban phah sha Guwahati.
Ka jingkwah jong ka sorkar Meghalaya ban don ia kane ka ophis ka dei kaba la slem bha bad ka sorkar pdeng kala pdiang ban plie ia kane ka Passport ophis ha Shillong ha u snem 2014 ia kaba la plie da u Dr Mukul Sangma myntri rangbah barim ka jylla ha Lower Lachumiere.
Kane ka Passport ophis ha Shillong ka dei kaba 77 ha ka Ri India, myshuwa ki briew kiba kwah ban apply passport kila hap ban leit sha Guwahati hynrei mynta kila lah ban apply ha Shilong, ka jingbym don ophisar kala dang pynslem ban ioh ia ka jingmynjur.
