Ka pawshai ba u Dr Mukul um kwah ba ka HNLC kan wan sha ka jingiasuk: Prestone

Shillong, Risaw 29: U symbut rangbah ka jylla u bah Prestone Tynsong mynta ka sngi u la ther kylla halor ka jingkynnoh jong u Dr Mukul Sangma myntri rangbah ba rim ka jylla ha kaba ia dei bad ka seng lehnoh HNLC.

Haba kren ha ki nognthoh khubor mynta ka sngi u bah Prestone, u la ong, “ peit u briew u ba don ha ka shuki jong u draibar, haba um lah ban niah ia ka kali, hynrei haba u wei pat u wan ban shim iaka jaka  shong na u u lah ban niah ia ka kali sha shiliang ka wah, ne ka jingkieng, u hap ban kren kumta, ngam sngew phylla ei ei”.

“ Phi dei ban tip kawei, ka burom jong nga, ngam juh don kano kano ka jingiadei bad kino kino ka seng, ngam juh don kate ka jingiadei bad no bad no, kumba la kynnoh da u Dr Mukul, hynrei mynta na ka daw jong ka jingbunlah ka jong u mynta u kynnoh ba I mat u Prestone u don ka jingiajan bad ka seng HNLC, ka long ka long namar ka jingbym lah ka jong u ”.

“ Balei nga ong balei ba dei ka jingbym lah jong u Dr Mukul, kylli na u Cheris Thangkhiew, u ba juh kren na ka por sha ka por, ba u la kren sha ka myntri kam poh iing barim ka jylla ka kong Roshan Warjri  ha kito ki por la kumba saw san sien, ha ba u kren imat ka kong Roshan Warjri kala kren ia u Dr Mukul, hynrei ka paw ba u Dr Mukul u ong em, phi iohi mynta kala paw shai kdar ba u Dr Mukul um kwah ba ka seng HNLC kan wan sha ka jingiasuk”.

“  U Dr Mukul ym shym kwah, lada u kwah kan jin da la jia ha kato ka por, ha kaba u general secretary ka seng HNLC, u Cheris Thangkhiew ha kato ka por u la ia kren bad ka myntri kam poh iing ha kato ka por. Leh se u sngew poh ba u Cheris Thangkhiew u kren ha ka myntri kam poh iing ka jong u, te u ong em, ia kata ruh ym lah ban tip, leh se u don ka jingsngew hanga mei ruh”

Ha ka juh ka por u Dr Mukul u kren shai kren ia ka jingpynkynriah kamia ki ophisar, nga thrai u Dr Mukul u la don ha ka shuki na ka bynta phra snem, ngam tip balei u kylli shikylli ia kane, I mat ki don ki ophisar jong u ‘Blue eye Boy’ leh se ha ka shuki, kumba ka paw imat kala jan poi ha ka pali ka jong ki ban pynkynriah kam ia ki, leh se namar kata u sa ong balei ka sorkar ka pynlut por ban pynkynriah ia une ia utai, ka jingpynkynriah kam ka dei kaba juh leh”.

“Dei na kane ka daw ba I mat u Dr Mukul u don ki ophisar ba kylrpang ‘Blue Eye Boy’ ba dei jong u”.

What Next?

Recent Articles

Leave a Reply

Submit Comment

*