Shillong, Jymmang 27; U myntri rangbah duh jong ka Ri India u Narendra Modi ha jingiakren ka jong u haka jingialang kaba 65th jong ka North Eastern Council, u la ong ba ka sorkar pdeng ka la dep ban mang T.30,000 klur naka bynta ban pyntrei na ka bynta ki kam pynroi ha kane ka thain, u la ong ba ia kane ka pisa dei ban pyntrei kam ha ka rukom kaba dei.
Ka jingthmu ha kaba buh iaka NEC ha u snem 1972, ka long ban iarap kyrpang ia kine ki jylla ha kane ka thain ha kaba ia dei bad ka roi ka par jong kine ki jylla ba kin kiew sted kumba long lem kiwei ki jylla ha ka Ri India. Ban kyntiew ia ka don kam ia ki riew shemphang ba ia mir jingmut ban peit ia kaei kaba lah ban leh ha kane ka thain.
U ong ba kane ka jingialang kaba ar sngi lynter ka phang pdeng jong ka jingiakren kan long na ka bynta ka roi ka por jong kane ka thain, ki kam pynroi kiba kan leh kan longkumno ban kyntiew ia ka ioh ka kot, ban pynshlur ha kaba seng ia ki kam ki jam bad ban leh ia kata don kam ia ka jingbei pisa bad kne kan wanrah ia ki lad ai kam ai jam ha kane ka thain.
U myntri rangbah u la ong ba u don ka jingngeit ba kan don ka jingiatreilang ha pdeng ka sorkar pdeng bad ki sorkar jylla bad katkum ka kaiphot kaba la ai da ka Committee jong ki myntri rangbah ki jylla la ong ba don kam ia ka jingiarap kaba pyrpang dei na kane ka daw ba ka jingbei pisa ha kane ka thain ha ki skhim sorkar kan long ha ka ration kaba 90:10 bad ha kiwei ki skhim kiba ym da don kam eh ka jingbei pisa kan long 80:20.
Ban kyntiew iaka roikapar jong kane ka thain ka sorkar pdeng kan plie ia ki surok, kilynti rel bad ki rib a mar jan, u la ong ba ia ki project dei ban pyndep ha ka por kaba biang bad kane kan nym wan rah ia ka jingduhnong bad ha ka juh ka por ban sngewthuh ia ka jingmyntoi na kine ki skhim.
Ha kane ka sngi u myntri rangbah duh u la mait phang bun ki kam pynroi ha kane ka thain ha kaba ka sorkar pdeng ka la dep ban mang pisa ban pyntrei ia ki.
