Ka PWD kam pat ioh jingbit na ka tnad khlaw ia ka surok na Baghmara sha Maheshkhola

Shillong, Lber 06: Ka tnad shna surok jong ka sorkar jylla ka PWD kam pat ioh ia ka jingbit na ka tnad khlaw ban shna ia ka surok na Baghmara jong ka South Garo Hills ban poi sha Maheshkhola jong ka South West Khasi Hills District.

Katkum ki lad khubor kiba ka SP News Agency kala ioh ka long ba wat la ka jingshna ia kane ka surok na Baghmara sha Maheshkhola kala iaid mynta hynrei ka jingtrei ka dang long tang ha kito ki jaka ba la ion na ki trai khyndew jong ki riew shimet.

Kane ka surok na Baghmara sha Maheshkhola ka long kum ba 73 km, ia ka surok na Baghmara sha Panda 18 km namar ka dei hapoh ka jingpeit ka tnad khlaw ia kane bynta haduh mynta ka PWD kam pat ioh jingbit ban shna ia ka surok.

Katb ia ka jingtrei na Panda sha Rongra kaba 16 km la sdang ban trei, kum juh na Rongra sha Kanai 14 km la sdang ban trei, katba na Kanai sha Maheshkhola 25 km ka tnad khlaw kam pat ai jingbit ban trei ia ka surok wat la ka PWD kala dang khot tender.

Ki thymmei khubor kiba la ioh la ong ba ka jingiakren hapdeng ka PWD bad ka tnad khlaw ka dang iaid bad ka kyndon kaba la buh da ka tnad khlaw ia ka PWD ka long ba ha ka jaka ban shim ia ka bai jaka ka kwah ban ioh bujli da kawei ka jaka.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet