Ka sorkar kala pynlait pisa T.25.36 klur ban siew ia ka bainong ki ASHA: AL Hek

Shillong, Nailur 09: U myntri ba dei peit ia ka tnad koit ka khiah u Bah AL Hek haba jubab ia ka jingkylli jong u Bah Mayralborn Syiem ha kaba ia dei bad ka bainong ia ki nongtrei ASHA, na ka liang jong u myntri u la iathuh ba ka sorkar kala pynlait ia ka pisa T.25.36 klur tyngka lyngba jong ki District Health Medical Officer.

U myntri ka koit ka khiah u la iathuh ba kane ka pisa ka dei na ka bynta ban siew ia kaba sah ha kine ki saw snem bad kane ka pisa kaba la pynlait ka long na ka bynta jong u snem 2018-2019 na ka bynta u snem 2019-2020 ynpat ioh jingkhein.

Haba jubab ia ka jingkylli bynrap u MLA jong ka Nongpoh, u myntri ka koit ka khiah u la ong ba ia mynta ka sorkar kang bishar bniah ia kane da ka sorkar, kine ki nongtrei ASHA ka don ka jingiadei bad ka National Rural Health Mission.

Ha kawei pat ka jingkylli kaba la wanrah da u Jimmy D Sangma ha kaba ia dei bad ka baiwai iing ia ki MLA ka liang pyrshah, haba ia dei bad kane ka jingkylli na ka liang jong u Deputy Chief Minister u bah Prestone Tynsong u la ba na ka liang jong ka sorkar kan sa wad kilad ki lynti kumno ban leh ia kane.

U Myntri ba dei peit ia ka tnad Water Resources u bah Metbah Lyngdoh haba jubab ia ka jingkylli jong u bah Syntar Klas Sunn, u la ong ba ia ki skhim la mang katkum ki District ym katkum ki Konstitwensi, haba ia dei bad ka skhim ring um ha Them Lyniong bad Lyngkien  na ka liang jong u myntri u ong ba ia ki skhim jong u snem 2019-2020 ym pat shong bad haba ia dei bad katei ka skhim kin sa peit

Halor ka jingkylli bynrap jong u MLA ka Mawphlang ha kaba ia dei bad ki MLA haba mang ia ki skhim, na ka liang jong u myntri ba dei peit iaka Water Resources u la ong ba ka sorkar kan sa shim lang ia ki MLA jong ka jaka ba dei ban pyntrei ia ki skhim.

 

 

 

What Next?

Recent Articles

Leave a Reply

Submit Comment

*