ka thong jong ka sorkar ka long ba ki briew jong ngi kin ioh ia ka jingiada: Conrad

Shillong, Naiwieng 15: U myntri rangbah ka jylla u Conrad K Sangma, u la ong ba ka sorkar kala shim khia ban pyntrei kam ia ki Entry bad Exit Point bad kane ka phang ka dei ba baroh ki ia sngew khia.

Ban leh ia kane ka kham long kyllain, hap ban shim jaka kan shim por, hynrei bun kiei kiei kila iaid sha khmat bad bun na ki jaka kiba kham eh ki kam kila iaid sha khmat ha kaba ia dei bad ka jingshim ia ki jaka.

Nalor katta ka jingpyntrei kam ia kaba kum kane ym tang ba don kam ban but ia bun ki kyndon, ha ka liang ka pisa, ka jingshim jaka, ka jingpynbha ia ka jaka ban shna ia ki iing ki sem, ka jingdon kam ia ki briew ban trei ia ka kam. Wat la ka sorkar ka kwah ban leh hynrei ki don bun ki jingeh kiba don.

Hynrei haba shim kyllum wat ki seng bhalang ruh ki hap ban sngewthuh ba na ka liang jong ka sorkar kala shim khia, don kam ia ka jingiatreilang ba ki kam kin iaid sha khmat. Ka thong jong ka sorkar hi ka long ban peit ba ki briew jong ngi ki dei ban ioh ia ka jingiada.

U myntri rangbah u la ong ba ka dei ka jingshisha ba na ka liang jong ki seng bhalang kila pynpaw ia ka jingsngewkhia ka jong ki ba balei kane kala shim por namar ia kane ka phang ban buh ia ki Entry bad Exit Point kala sdang na duh u snem 2014 bad kala shim por shisha.

Na ka liang jong ka sorkar kala pynsngew sha ki seng bhalang ba ka dei ka kam kaba kyllain, hynrei ki seng bhalang ki dei ban sngewthuh ba ha kine ki khyndait bnai kane ka kam kala kham iaid sted bad ka sorkar ka don ka jingthmu ban leh bad ki seng bhalang kila pynpaw ba ki kwah ba kane ka kam kan kham iaid sted ban sdang noh ha ki katto katne tylli ki jaka.

La iathuh ba baroh ki jaka ban buh ia ki Entry bad ki Exit Point ha ka jylla baroh kawei ki don 41 tylli, hynrei kam long kaba bha ia ka sorkar ban ong lano kin leh namar ka jingshim jaka ka dang iaid bad ha ka juh ka por ka jingduna ka pisa, hynrei ki don katta katne ki jaka kiba don kam ban leh bad kawei na kita ki jaka la dep mynta bad ka sah sa tang ban pyntrei kam bad san lane hynrei tylli ka sorkar kan sa lah ban leh hapoh ar lane lai bnai.

Katba um pat lah ban leh ia kane, hapoh jong ka Meghalaya Residents Safety and Security act 2016 ka don ia ka District Task Force kaba la buh ha kaba u DC jong ka District u long u Chairman ha kaba u Superintendent jong ki pulit jong ka District u don lang ha kaba baroh 11 tylli ki District ha ka jylla kila don ia kane ka TFC bad kine ki juh leit ban talsi na ka por sha ka por kim don kam ban ap ban don ki Entry bad Exit Point.

What Next?

Recent Articles

Leave a Reply

Submit Comment

*