Shillong, Naiwieng 23: U dkhot jong ka iing dorbar parliament u Rakesh Sinha MP haba kren ha ka jingrakhe ia ka Seng Kut Snem kaba 122 ka seng khasi ha Madan Weiking mynta ka sngi la ong ba na ki jingkren u sngewthuh ba la rakhe ia kane ka sngi kaba long kum ka tynrai jong ka seng khasi.
Haba sngap ia ka pyrkhat ka seng khasi kan poi ha ka jingpynkhut ba lada dei ban batai ia ka Ri India ym don kam ban pule shibun ki jingthoh, namar ki lai tylli ki nongrim kiba ka seng khasi, kum ka jaid bynriew khasi bad ka rukom pyrkhat khasi ka shim ia kane ka pyrthei kawei.
Halor kane ka rukom pyrkhat yn nym don balah ban pyrshah ia kane ka rukom pyrkhat hakane ka por ha kaba baroh ki khlieh nongsynshar jong ka pyrthei ki dang ia kren kumno ban iada ia kane ka pyrthei bad kane ka seng kut snem kaba 122 snem kala kham rim ba ia ki 20 tylli ki Ri ha Europe.
Ka khubor kaba mih na kane sha ka pyrthei na kane ka kynhun kaba don tang kumba saw lak ngut ki paidbah nongshong shnong hynrei ka khubor ka long kaba khlain haduh katta katta sha ki bun million ngut ki briew ha kane ka sla pyrthei namar kum ka jaid bynriew khasi ki sngewthuh ia ka jingmut jong ka mariang.
Ka thong jong ka seng Khasi ka long ban iada ia ka mariang bad ban iada ia ka riti dustur bad kane ka dei ka thong jong ka seng Khasi bad ka phang kaba nyngkong kaba mih na ka rukom pyrkhat.
Kawei ka sain pytkhat ka long pyndep ia ka deiti da ka jingsngur mynsiem bad haba pyndep ia kam da ka jingsngur mynsiem kata ka long ban iada ia ka mariang, haba hap shai ka jingmut ka jingpyrkhat bad wat la phi long ki trai na kane ka jaka hynrei ka pyrkhat pat ka long shityllup ka pyrthei.
Ka bynta kaba lai ka long Tip briew tip blei, ka long ban leit sha bar jong ka jingpyrkhat shimet, kumba ka long mynta ka jingpyrkhat shimet kaba pyniap ia kane ka pyrthei mynta, leit sha ri Europe phin shem ba ki ba bun ki briew ki shitom na ka bor pytkhat.
Ha ka rukom pyrkhat u khasi ka iing ka sem kam dei kaba kynthup ia ki ar lai ngut ki briew kiba kamai hynrei ha ka rukom pyrkhat khasi ka long ba ia ka iing ka sem la pyniar bad kumba ka long mynta kaei kaba ka seng khasi ka kren ka Ri India ka pyrkhat, phi long shisha ki khun ki ksiew ka Ri India.
La ong ba kiba don ha kane ka jingiakynduh lang mynta ka sngi ki dei ban pyrkhat ba kam dei ban long ka dieng pynkiang hynrei kaba kongsan ka long ka rukom im bad ka rukom pyrkhat bad ia kane ka seng la seng 122 snem mynshuwa bad haba peit kane ka dei ka jingkit khlieh ban ai jingshngian bad kane kan iarap ban weng ia ka jingkhang ym ia don ka kynroh hynrei kaba eh dei ka rukom pyrkhat.
Kumba ka long mynta ka Ri India kan rakhe ia ka jingdap 75 snem jong ka jingiohlaitluid bad 50 snem jong ka jingioh ka jylla, kumba ka long mynshuwa ka address ka dei ha Bihar, mynta sha Delhi bad la rah sha Kongthong bad la tip mynta kum u nongshong shnong ha Kongthong.
Kumba ka long mynta la ia bud tynneng ia kiwei da kaba klet noh ia la ka jong ka tynrai, hynrei dei ban kynmaw ia la ka thymmei ban pynneh pynsah ia ka mariang bad ban pynneh pynsah ia ka riti dustur bad ban long ki nongiadon bynta ha ki kyrdan bapher bapher.
Ha kane sngi la iaid paibah da ki kali na Mawdan Iewrynhep nongthymmai sha Weiking bad la pynlong ia ka jingialang, ka duwai ka phirat, la kren pdiang burom da u President ka seng u bah Don Kupar Dkhar, ka jingkren na Andrew Jana, bah Prabhat D. Sawyan bad la kren ai khublei da u bah Banteilang Singh Rymnong.
Ha kane ka sngi ki khun khasi khara na kylleng ka Ri Khasi Jaintia kila ia poi sha kane ka jingrakhe kaba 122 sem ka seng kut snem ban pynphuh pynphing ia kane ka sngi la don ki jingshat bad rwai da ki kynhun bapher bapher na ki shnat sentg khasi.
