Kam ka KHNAM ba na ki 57 tylli ki kam nongap hapoh FCI tang u wei mih kyrteng na Meghalaya

Shillong, Jylliew 13: Ka ophis jong ka FCI, Shillong namar ka la khot application na ka byntaki 19 tylli ki kam nongap ha ka ophis jong ka ha kaba ki samla jong ka jylla ki la ia shim bynta da ka jingkyrmen, hynrei ka result ba la pynmih da katei ka ophis ka long kaba sngew lyngngoh namar ba la iohi ba na ki 57 tylli ki kyrteng ba la pyllait daka FCI don tang u wei u Samla Khasi bad kum ba iohi lehse yn um don u wei ruh u khasi u ban ioh ia katei ka kam ha katei ka ophis.

Na ka por sha ka por ka seng ka juh pynbor ia ka sorkar bala dei ban pynthikna ba ki ophistreikam kiba don hapoh u pud u sam jong ka jylla Meghalaya , kidei ban ai bhah lane plié lad shwa ia ki samla khlemkam khlem jam jong ka jylla.

Ka seng ka la wan ban ia kynduh ia u General Manager jong katei ka ophis u ba la pyni ia bun tylli ki daw halor ka jingbymmih kyrteng ki samla Khasi bad Garo. Ka seng kan sa tihtynrai ia kane ka jingpynmih result khnang ban lap ia ka jingshisha.

Ka seng ka kyntu ruh ia ka sorkar jylla ba kadei ban wanrah da ka ain na ka bynta ban ai bhahkam iaki samla ka jylla, ha ki ophis kiba don hapoh u pud u sam jong ka jylla Meghalaya, khamtam eh na ka bynta ki post Grade IV khnang ban lah ban pynduna ia ka kyrduhkam jong ki samla. La ong u Bah Thomas Passah president ka KHNAM Youth Wing  ha ka jingpynlait khubor mynta ka sngi.

 

What Next?

Recent Articles

Leave a Reply

Submit Comment
*