Kem ar ngut na Dawki ban thmu leit sha Bangladesh ban ia kynduh ia ki nongialam HNLC

Shillong, Naiwieng 21: Ki pulit jong ka West Jiantia Hills District kila kem ia ar ngut ki briew kiba thmu ban leit sha Bangladesh na leit ia kynduh ia ki nongialam ba ha khliehduh jong a seng lehnoh HNLC, kine ki ar ngut kiba la shah kem ki longu Bah Khroo Lamsalanki Pariat 39 snem na Iawmawsiang Jowai bad u  Samir Jolly 44 snem na Noida,jong ka jylla Utter Pradesh.

Ki pulit kila ong ba ia kine ki ar ngut ki briew la bat ha Dawki P.C.P. ha ka por shuwa ban kin rung sha Bangladesh, haba la kylli jingkylli kine ki a rngut ki la phla ba ka jingthmu jong ki ban leit sha Bangladesh ka long ban leit ban ia kynduh ia ki nongialam ba ha khleidhuh jong ka seng HNLC  ha Sylhet kaba la buh ba kan long mynta ka sngi.

Haba ka nyngkong ki pulit kila ong ba kine ki ar ngut ki kim shym la iathuh ia ka daw balei ba ki kwah ban leit sha Bangladesh, hynrei haba la kylli bniah kila batai bad kala don ka jingiapynbeit ba kin ia kynduh mynta ka sngi u nongai khubor jong ka seng HNLC u Bah Sainkupar Nongtraw ha Sylhet bad kiwei kiwei ki nongialam jong ka seng HNLC kiba ha khlie

Kine ki ar ngut kiba thmu ban leit sha Bangladesh ban ia kynduh ia ki nongialam jong ka seng HNLC ka long lyngba ka kyndhuh ia kaba la tip kum ka “Art Of Life” ban leit bad ban ia kren bad kine ki nongialam jong ka seng HNLC. Hynrei kine ki briew kim shym la ioh kano kano ka jingbit na ka sorkar jylla ba kin lah ban ia kynduh ia ki namar katkum ka ain Unlawful Activities Prevention Act la khang ia ki briew ban ia kynduh ia ki nongialam jong ki seng ba la shah niew beain.

Na ka liang jong ki pulit ki don ka jingsuba ba ka don ei ei sha lyndet bad na ka liang jong ki pulit mynta kin dang pynlong ia ka jingthohkit kaba kham bniah ha kaba ia dei bad kane ka jingthmu jong ki ban leit sha Bangladesh ban ia kynduh ia ki nongialam jong ka seng HNLC.

Ia ka mukotduma pyrshah ia kine ki ar ngut la register hapoh jong ka Dawki Police station pyrshah ia ki hapoh ki kyndon Case No. 15(11)2017 U/S 120B IPC R/w Section  10/13 U.A.P Act. Ia kine ki ar ngut la kem bad la leit ban rah sha iing bishar mynta ka sngi hapoh iing bishar ha Jowai.

 

What Next?

Recent Articles

Leave a Reply

Submit Comment
*