Shillong, Risaw 02: Ka seng GSU bad ka AAYF mynta ka sngi kila kem ia ka kali jong ki pulit kaba la kit ia ki dieng ba la pom beain. Ia kane ka trok la bat ha jingkieng Sarangma ha jan Dainadubi. Kane ka trok ka dei jong ka 5th Battalion jong ka Samgong Williamnagar East Garo Hills District.
Kine ki ar tylli ki seng bhalang lang na Garo Hills kila ai da ka FIR pyrshah ia kane ka trok kit dieng kaba dei jong ki pulit hapoh police station ha Danadubi, kitei ki ar tylli ki seng ki kynnoh ba ia kine ki dieng la pom na ka khlaw sorkar kaba don ha Rongjeng.
Na ka liang jong kitei ki seng ki dawa na u myntri rangbah ka jylla ba ka sorkar ka dei ban thaw ia ki ain kiba khlain ban khang ia kane ka jingpom dieng duh. Don kam ba ia da ia ki khlaw namar u myntri rangbah u sam ia ki symbai dieng sha ki paidbah dei ban iada ia ki dieng.
Kine ki seng bhalang kila ioh ban kem ia kane ka kali pulit ha ka por 5.30 baje mynstep kaba don ia u number ML02-3011, kane ka kali na mih na Williamnagar ban wan sha Shillong ban wan kit ia ki jingbam hynrei kala shah bat noh ha kine ki seng bhalang ba ka kit dieng. Na ka liang jong ki seng bhalang ki kynnoh ki nongkhaii dieng beain ki wai ia kane ka kali T.10000/- tyngka kabai kit.
