Shillong, Risaw 15: Ki pulit jong ka West Garo Hills District ha dien ba kila ioh ia ka jingtip kaba thina kila leit ban khynra ia ka shnong Nikikona kaba kila suba ba don ki lehnoh kiba don ha katei ka thain.
Halor kane ka jingtip kaba ki la ioh ki pulit ka Phulbari bad Rajabala kila pynlong ia ka jingkhynra ha katei ka jaka bad ha dein ka jingkhynra ki pulit kila ioh ban kem lai ngut kibriew bad la ioh ban kurup kawei ka pistol 9mm bad kawei ka Magazine.
Ki pulit kila ioh ban kurup ruh lai tylli ki kuli kib khlem pat pyndon kam, kawei ka bike kaba don ia u number ML-08-4295, kawei ka scoty kaba khlem pat don ia u registration number na katei ka jaka kaba ki pulit kila leit ban khynra.
Ki pulit kila iathuh ba ki lai ngut kiba la shah kem la tip kyrteng kumu Silman R Marak 30 snem na ka shnong Komilapara, u Elias Alom 24 snem na ka shnong Babubpara bad u Nur Hussain 22 snem na ka shnong Gomaijhora Sailkandi kiba hap hapoh jong ka West Garo Hills District.
Ki pulit jong ka West Garo Hills District kila register ia kane ka ejahar bad ka jingtohkit ka dang iaid ban lap ia kine ki briew ki ia don kti bad kano ka kynhun lane ki thmu ban seng ia ka kynhun kaba thymmai.
