Shillong, Nailur 17: Ki pulit jong ka East Garo Hills District kila ioh ban kem ia u Rajesh M Marak bad ha ka jingtohkit kila ioh ban kurup kawei ka pistol na iing bad lai tylli ki kuli kiba khlem pat pyndon kam.
Na ka liang jong ki pulit kila suba ba une u Rajesh M Marak u dei u dkhot jong ka seng AHAM. Haba ia dei bad kane na ka liang jong ki pulit ki dang beteng ia ka jingtohkit ban lap ia ki jingshisha baroh halor ki jingkynnoh pyrshah ia u dkhot kane ka seng.
Ban pynkynaw ba dang shen ki pulit ka Garo Hills kila ioh ban kem ia ki katto katne ngut ki briew kiba la suba ba kila ia don kti ha ki kam runar ha kaba la kynnoh ba ki dei ki dkhot jong ka AHAM.
