Shillong, K.Lyngkot 26: Ki shipai Border Security Force katba dang ap pahara ha khappud Mankachar kila ioh ban kem ia u wei u briew ba la tip kyrteng kum u Urup Miah 21 snem ba dei na Assam bad na ka met jong u la ioh ba kurup 210 tylli ki Yaba Tablets.
Katkum ka jingphla jong u tei u bala shah kem la ong ba u dei tang u nongrah bad la phah ia u ban pynpoi sha ki briew kiba ym tip kyrteng ha iew Purakhasia jong ka West Garo Hills District.
U Urup u la iathuh ba u trei bad u Saiful na ka shnong Kakripara na ka shnong Salmara na Assam, na ka liang jong ki BSF kila aiti sha ia u ne ba shah kem sha ki pulit jong ka West Garo Hills District ban leh ia kaba don kam katkum ka ain.