Shillong, Iaiong 24: Ka jingdon ia ka State Central Library jong ka sorkar ka long ban lum ban lang ia ki kot kiba la pynmih na ka jylla Meghalaya bad kum juh ban thied ia ki kot kiba don kam ba ki paidbah ki kwah ban ioh jingtip, kumba ka long mynta ka Library jogn k sorkar ka duna na bun ki liang ha kaba ia dei bad ka jingdon ia ki kot.
Halor kane u myntri ba dei peit ia ka tnad pynneh pynsah riti dustur jong ka jylla u bah Sanbor Shullai la ong ba ka sorkar kan sa thaw ia ka Kommittee ban peit kiei ki jait kot kaba ki paidbah ki dang kwah na ka liang jong ka tnad sorkar kan sa leh ia kaba don kam.
Na ka liang jong u myntri u khot u wer ia ki paidbah khamtam ia ki samla kane ka juk kaba mynta wan sha khmat sha ka ophis namar kane ka dei ka jong ki hi ba kin wan ban ai jingmut ha kaba ia dei bad ka jingduna ki kot ba ka sorkar kan leh ia kaba don kam.
