Shillong, Lber 02: Ha kane ka MLA elekshon 2023 mynta na ki 60 ngut ki MLA kiba don ha ka iing dorbar thawain ka jylla kiba la shah rem noh ki long 23 ngut, na Khasi hills 13 ngut bad na Garo Hills 10 ngut.
Kiba shah rem ha kane ka elekshon kiba khaw paw ki long u James K Sangma jong ka NPP, u Zenith M Sangma jong ka AITC na Garo Hills, na Khasi Hills ki long u bah George B Lyngdoh AITC bad u Bah Himalaya M Shangpliang BJP.
Kiba wan phai biang ha kane ka elekshon na pdeng kiba kham paw ki long u Dr. Mukul M Sangma bala ia khun na ki ar tylli ki konstitwensi ha kaba u la jop na Songsak bad u la lem na Tikrikilla, u myntri rangbah ka jylla u Conrad K Sangma, u myntri kam poh iing u bah Lahkmen Rymbui, u bah Metbah Lyngdoh.
Ki myntri sorkar kiba shah rem ha kane ka elekshon mynta 2023 ki long u bah Hamletson Dohling, , James K Sangma, Dasakhiat Lamare kine ki dei na ka party NPP bad u bah Brolding Nongsiej na ka UDP.
Ki MLA barim kiba la wan phai biang kiba khawm paw ki long u bah Paul Lyngdoh, bah Ardent Miller Basaiawmoit, kine baroh ar ngut ki dei ki nongialam seng bhalang ha ki por ba la leit noh.
