Shillong, Ris
aw 22: Ka BJP Nongkrem Mandal kala pynlong iaka jingialang jong ki nongkitkam ryngkat ka program ai jingshai halor ki lad jingmyntoi naka sorkar shaki Nongrep kumjuh kiwei de ki schemes bala pyllait ka sorkar kmie naka bynta ki Longkmie,Ki samla ka thain.
Ha Kane ka sngi u kongsan u dei U samla Egenstar Kurkalang President BJYM Meghalaya,bad haka jing don ryngkat lang u bah Babul Suting President BJP East Khasi Hills u la jing pynshai iaki schemes bad jingkren naka bynta ki nongtrei,LA ioh jingkren ruh da u bah Ialamphrang Mylliemngap, bah Marbad Kharbyngar bad la pyniaid da u bah Aistar Kharumnuid bad la ai jingkren khublei da u bah Gosparly Marngar President BJP Nongkrem Mandal la pynlong ha Iing Dorbar Liewlong Pomlakrai.
Kumba 200 ngut eiei ki nongtrei na thain Pomlakrai ki la shim iaka rai ban ia trei shitom bad pynjop don burom ia u Samla Egenstar Kurkalang haka Election MLA 2018 ban long u MLA jongki na Nongkrem Constituency.
Haka jingkren u Samla Egenstar u la ong ba kum u Samla u ba la mad iaki jingeh bad jingshah tynjuh ba har rukom haba tur ban iarap iaki paidbah baduk ba rangli,ki nongkyndong,ki Nongrep,ki samla pule,ki Samla khlem kam khlem jam bad ki jingshah ban bein bad leh Shilliang khmat ba shyrkhei bala jur ka bamsap u la kynnoh bad synshar donbor ym idon jaka shuh iaki riew paidbah.
Kumta mynta ka kynti lada phi pynjop,ngan long u rishot naka bynta ki Samla,ki longkmie,ki nongrep bad ki duk ki suk ban rat diengkhong ruh iaka bamsap bam pong, u la ong ruh ban ieng rangbah ban pynskhem pura iaka king long kyrpang ka jaidbynriew La jong bad iaka hok long briew man briew ba ia ryngkat ha khmat ka ain un long ruh u ksiang ban plie lynti bad ka sorkar pdeng ban wanrah ka roi ka par haka constituency.
