Ki shipai na kylleng ka pyrthei ki la lah ban shah hikai ha ka kud shipai ha Umroi

Umroi cantonmentShillong, Naiwieng 04: Ha kjat jong ki lum ba kynjah jong ka jylla Meghalaya, ka don ka kud shipai ha Umroi, ha kaba mynta ka sngi la plie ia ka jaka ai jinghikai ba kyrpang na ka bynta ki shipai bad ki shipai na kylleng ka pyrthei mynta kila lah ban wan hikai ha kaba ia dei bad ki kam ia leh thma ha kane ka jaka.

Kum kane ka jaka hikai kaba kyrpang na ka bynta jong ki shipai ka Ri India, hapoh jong ki bynta ka mih ngi jong ka Ri India ka kud shaipai kaba don ha Umroi ka dei ka ba nyngkong ban don ia kum kane ka jaka ai jinghikai kaba la biang na dong shading ha kaba kala lah ban pidang wat ia ki shipai na kylleng ka pyrthei ba kin wan shah hikai ha kane ka jaka.

Ki shipai jong ka Ri India bad ki shipai na kylleng ka pyrthei mynta kila lah ban pynlong ia ka jingiakilan met lang ha ka kud shipai kaba don ha Umroi. Ka jingtei ia kane ka jaka ai jinghikai ba kyrpang ia ki shipai la lah ban pyndep ha ka por ka biang tang hapoh shisnem kumba la mang.

Ka kynhun shipai jong ka Ri India, ki jaka kiba la don ia kum kine ki jaka ai jinghikai ha kaba ki shipai na ki Ri jong ka pyrthei ruh kila lah ban ia shah hikai lang ki don ha, Belgaum, Varangte bad Bakloh, hynrei ka kud shispai ha Umroi ka dei kaba nyngkong ban don kaba hap hapoh ka jong peit jong ka Eastern Command.

Ka jingiakilan met kaba nyngkong ia kaba la pynlong ha kane ka jaka ka dei ha pdeng ki shipai jong ka Ri India, kala don ruh ka jingpynkhreh ba ha kine ki snem ban wan kan don ka jingiakilan met bad ki shipai jong ka Ri China bad ka RiMyanmar.

Da ka jingdon ia kane ka jaka kilan met ba kyrpang jong ki shipai, kan pynlong ia ka pyrthei baroh kawei ba kin tip sha phang ka jylla Meghalaya bad ka jylla Assam namar na Guwahati sha Umroi kam dei kaba jngai bad kane ka jaka hikai ban don ha kane ka dong shatei lam mih ngi jong ka Ri India ka long kawei pat ka burom ia ki shipai jong Ri India.

What Next?

Recent Articles

Leave a Reply

Submit Comment
*