Kiba kwah ia khun MLA na ka parti Congress ki dang lah ban apply: Vincent

Shillong, Kyllalyngkot 05: U bah Vincent H Pala MP ba dei ruh u wei na ki working president jong ka parti Congress ha kane ka jylla Meghalaya ha ka jingkren ka jong u ha kaba pdiang burom ia u Dr Celestine Lyngdoh kum u president jong ka MPCC ba dang shah thung thymmai u la ong ba kino kino ki kyrtong kiba kwah ban ia khun na ka seng congress ki dang lah ban apply.

Haba kren ha ka jingialang kaba la long mynta ka sngi ha Congress Bhavan, u ne u nongialam jong ka seng congress  u la ong ba ka parti ka pdiang sngewbha ia kito kiba la mih noh na ka party ne kiba la shah beh ruh ba kin wan biang sha ka party bad kin ia leh ban khot biang ia ki sha ka party.

Haba ia dei bad ka jingai tiket na ka liang jong u bah pala u la ong ba ka party kam lah ban kular iano ban ia tiket khynrei ka shong ha ki bor kiba halor jong ka party ka AICC na ka liang jong ka MPCC ka long ban phah ia ki kyrteng sha ka AICC, hynrei kaba kongsan ka long ban peit ba u ne ka kyrtong ki dei ban jop. U bah pala u la ong ba kin jop da ka jingiatreilang ym da ka jingiashrud.

Ha ka jingkren jong u bah James Lyngdoh working president u la ong ba ka party kan jop ha kane ka election da ka jingiatreilang hapoh ka jingialam jong u Dr Celestine Lyngdoh kum u President ba thymmai jong ka MPCC.

Na ka liang jong u SC Marak myntri rangbah ba rim ka jylla bad u ba la bat teng ruh ia ka kam MPCC president u la ong ba kum ka party ki don kam ia ka jingiatreilang bad kane ka jingiatreilang kan wan rah ia ka jingjop bad u don ka jingkyrmen ba ka Congress kan dang wan biang ha ka bor.

What Next?

Recent Articles

Leave a Reply

Submit Comment

*