Kiba trei ha Secretariat haba ki thied tiar online ki dei ban ai address ha ki jaka sah  

Shillong, Risaw 11: U Secretary jong ka sorkar Meghalaya ba dei peit ia ka tnad secretariat administration u CP Gotmare ha ka shitarik mynta u bnai la pynmih ia ka hukum ba ki nongtrei kiba thied tiar online ki dei ban ai adrress ha ki jaka sah ba ki shong ki sah.

Ha kane ka hukum kaba la pynmih la ong ba ka ophis kala ioh jingtip ba ba bun na ki nongtrei sorkar kiba trei ha Main Secretariat bad Addational Secretariat ki juh thied tiar online bad la juh wan rah ia ki sha secretariat.

Na ka liang jong u Secretary ba dei peit ia ka tnad secretariat u la ong ba kine ki ar tylli ki ophis ki long kiba hap hapoh ka jingpeit jong ki bor pulit, ia ki tiar kiba hap ban rah sha poh la hap ban peit da ki pulit ba ap ha khyrdop lem kumta yn nym shah ban rah sha poh.

Kumba baroh ki nongtrei kiba thied tiar online lada ki rah sha poh ki hap ban shah ia ki pulit ba ap ha khyrdop ba kin peit bniah ia ki jingsong kaba ki rah, kumta la bethah ba kiba thied tiar ki dei ban ai address ha ki jaka sah kane ka long katkum ka hukum na ki bor ba dei peit.

What Next?

Recent Articles

Leave a Reply

Submit Comment

*