Kwah ki 22 shnong na 12-shnong ban ithuh ka sorkar ia ka rwai iawbei

Shillong Nailar 23: U Bah Kyntiew Khongshei sordar jong ka raid Mawshuit lemb ad kiwei ki sordar na ka thain 12-Shong kaba hap hapoh jong ka Hima Sohra kila pynsngew ba ka sorkar ka dei ban ithuh lang noh ia ki 22 tylli ki shnong kiba don ia ka rwai iawbei kumba ithuh ia ka shnong Kongthong.

Haba kren ha kilad pathai khubor mynta ka sngi ha Shillong Press Club u la ong ba ki sngew sarong ba ka shnong Kongthong kaba hap hapoh ka 12-Shnong kala paw mynta ha ka jingdon ia ka rwai Iawbei.

Na kaliang jong u Bah Khongshei u la ong ba nalor ka Kongthong ki dang don sa 22 tylli ki shnong kiba don ia kane ka rwai Iaw bei, kumta ki kwah ba baroh 23 tylli ki shnong dei ban ithuhlang da ka sorkar pdeng ne da ka sorkar jylla ruh. Kine ki 23 tylli ki shnong la kyntup lang ia ka Kongthong.

U Bah Budlang Warbah u wei na ki sordar u ba la ia don lang ha kane ka sngi, u la ong ba ka thain kharar shong baroh ki shnong kiba don ki long 53 tylli, hynrei la khot iaka 12-Shnong  namar ba kitei ki 53 tylli ki shnong ki hap ha ka jingpeit jong ki 12 ngut ki sordar dei na kane ka daw ba la khot 12-shnong.

La ong ba na ki 53 tylli ki shnong kiba dang bat ia kane ka rwai iawbei haduh mynta ki long 23 tylli kyntup ia ka Kongthong, ka jingpaw jong ka Kongthong ka long ba kala poi ka surok ha kaba ki nongwan ki suk ban poi bad ki sengew sarong ia kane hynrei ban ong ban ai ka jingihthuh tang ia ka Kongthong kim kwah namar ki kwah ban ithuh lang ia baroh 23 tylli ki shnong kiba dang bat ia kane ka rwai iawbei.

Ha kane ka sngi la don lang ruh sha kiwei kiwei ki sorbar kiba la wan ban pynsngew ia ka juh ka phang bad ha kane ka sngi kila pyni ruh ia ka rukom rwai iawbei ha kaba ki sngewthuh ba lada rwai ia kano kano ka sur ka dei jong u ne kata ka briew bad tang u ne ka u ba lah ban jubab.

 

 

 

 

What Next?

Recent Articles

Leave a Reply

Submit Comment

*