Shillong, Jymmang 05: Ka KSU Mawkhar Circle 
ha ka sngi palei hapoh ka jingialam U President ka KSU Mawkhar Circle Samla Fredrick Myrthong ha ka jingiadon lang ki nongkitkam shnong bad ki seng samla shnong Mawkhar.
Ha katei ka sngi ka KSU ka la ioh ban leit jurip bad kyntu ia baroh ki kontraktor lane ki trai ïing kiba tei ïing ba kin sngewbha ai kam ia ki ki trai shnong kum ha kine ki por ba hiran bad ba ka jylla ka iakhun ia u khniang coronavirus lane u Covid-19.
Kum ban shu pynkynmaw bun bah ki nongbylla trai ri naduh ba khangdam ia ka ri bad ka jylla ki la duh kam duh jam bad kane ka lah buh jingeh shikatdei eh khamtam iaki para ri kiba im sngi na ka bylla sngi manla ka sngi.
Ka KSU ka kyrpad ia ki kontraktor bad ki trai ïing kiba tei ïing ba kin ia kit khlieh lem ban ai kam ia kum kine ki briew ba kin ioh kamai biang sa shisien bad ruh ban don kata ka mynsiem sngewlem.
Haka katei ka sngi ka seng ka la leit jurip ia bun tylli ki jaka trei ba don hapoh ka shnong Mawkhar bad la lap bad iohi ba bun ki nongtrei kidei ki bar jylla bad lah bat shi syndon ia ki bad phah sangeh iaki mardor.
Ha ka jingleit jurip ka seng kala lap bad la shem shem ba don ki ïing kiba don ha ki jaka ba hap ha ki bynta jong ka Mawkhar circle ki dang buh ia ki nongtrei bym dei ki trai jylla.
Ka KSU ka kyntu ruh ia ki trai ïing kiba shna ïing ba lada ka kam ba ki trai jylla kim lah ban trei bad haba ki wanrah da kiwei pat ki bar jylla kin sngewbha ban da pyntip shuwa sha ki shong bad ban iatreilang bad ki dorbar shnong khnang ban lait na kino kino ki jingjia ba sngewsih khamtam ki ban ktah na ka jing saphriang une u khniang jingpang.
Ka seng sa shisien Lyngba kane ka kyrwoh kyntu ia baroh ban sangeh shuwa ka jingwanrah nongbylla da kiwei pat kiba na kiwei ki jylla bad ka ban biang sa shisien ban khmih lem shwa iaki para ri kiba shem jynjar ha kum kane ka por, kane ka long katkum ka kyrwoh kaba la phah da u samla Fredric Myrthong President shnat Mawkhar.
