Shillong, Jylliew 14: Mynta ka sngi u samla Banlumlang Rani President ka KSU jong ka NEHU Unit u kyntu ia ki samla pule jong ka jylla ba kin thoh ia ka eksamin Common University Entrance Test (CUET) ban ioh pule ha ki kolej kiba pyniaid da ka NEHU kum ka ba pule ain ha katei ka skul bah.
Kum ka seng kala iohi ia ka jingpynbna ka sorkar ba kito ki kolej kiba shu pyniasoh bad ka skul bah NEHU kim don kam ban thoh ia ka eksam CUET, hynrei kito kiba kwah ban pule ha ki kolej kiba pyniaid ka NEHU ki dei ban thoh ia ka tei ka eksam.
Ha kane ka juh ka sngi u president ka KSU u kyntu ia ka sorkar jylla ba kan ia kren bad ka sorkar pdeng ban pynbiang ia ki jingdon kam kaba ka NEHU kan pynbiang ia ki jingpule kiba bun, namar kumba ka long mynta la ai nuksa kum ka MCA kam don ha Shillong NEHU.
Ka seng ka ioh ia ka jingkren jong u symbut myntri rangbah ka jylla u bah Prestone Tynsong ha kaba u la ong ba shem yn sdang ia ka jingpule ia ka ktien Japan, na ka liang jong ka seng kam don jingujor ei ei hynrei dei ban pynbiang shuwa ia ki jingpule kiba dei ban iaid katkum ki kyrdan pule kiba dang duna bun bah ha katei ka skul bah.
