Shillong, Nailur 09: Ka seng KSU kan sa rakhe ia ka jingdap 40 snem jong ka seng, ia kaba la tip kum ka “Quadragennial
Celebration” haba ia dei bad kane ka jingpynkhreh ka seng kala thaw ia ka “ Quadragennial Celebration Committee”.
Haba ia dei bad kane ka seng kala pynkhreh ban pynmih ia ka phlim ha kaba ia dei bad ka jingialeh jong ka seng naduh ba la seng ia ka ha u snem 1978.Haba ia dei bad kane ka seng ka kyrpad ia ki riew paidbah baroh, ba lada ki don kino kino ki dur, ki bideo neki jingthoh ha ki kot khubor kin sngewbha ban ai lem sha ka seng.
Ka jingthmu jong kane ka documentary ka long ban pyni bad pynwandur ia ka jingiaid lynti jong ka seng ha ka jingshakri ka jong ka ia ka Jaidbynriew ha kine ki 40 snem. Shuh shuh ha kane ka documentary la thmu ban pyni ia ka long ka man jong ka seng lem bad ki nongialam naduh u 1978 bad yn tih janai ruh ia ki mat kiba ka seng ka buh ha khmat duh naduh ba la seng ia ka.
Kumta ka Quadragennial Celebration Committee jong ka seng ka kyntu bad kyrpad ia kino kino kiba don ki kynja dur, sur , dur ba khih, ki jingthoh bad ki kotkhubor kiba ia dei bad ka KSU khamtam ha ki por kiba kham mynshwa ba kin sngewbha ban noh synniang lem ia ki khnang ba yn lah ban pynjanai paka ia kane ka documentary ba thmu da ka seng.
Kiba don ia kum kitei ki bui kin sngewbha ban pynpoi ha ophis ka seng ka Khasi Students’Union, Jaiaw Chapel Road, Shillong -793002′ lane ki lah ban shu phone ha kine ki number, Samla Donald V Thabah (General Secretary, KSU) – 9485175812 ,Samla Rapborlang Nongrum (Publicity Secretary, KSU) – 8014989946 bad Ostarnic Marbaniang (Assistant Publicity Secretary, KSU) – 7085871426.
