Shillong, Jylliew 29: U Symbut Myntri Rangbah ka jylla u bah Prestone Tynsong mynta ka sngi u la ong ba ka sorkar Meghalaya kala shim ia ka rai ban thoh sha ka sorkar pdeng lyngba ka Ministry Home Affair ban kyntu ia ka sorkar pdeng ba kan nym pynkynriah kam ia ki nongtrei ka ia ia mynta kiba don ha Meghalaya.
Haba kren ha ki Lat pathai khubor mynta ka sngi u Bah Prestone u la ong ba namar ka jinglong jingman hapoh ka jylla kam pat shngian. Kane ka shithi kaba yn phah sha ka sorkar pdeng kan long ia baroh ki nongtrei jong ka sorkar pdeng kiba don ha kane ka jylla ba ym dei ban pynkynriah kam ia ki ia mynta.
U symbut Myntri Rangbah u la ong ba kane ka jingkyrpad jong ka sorkar jylla ia ka sorkar pdeng ba ym dei ban pynkynriah kam, ka kyntup ia ki Shipai, ki kynhun, shipai, ki nongtrei kiba don ha ki tnad ka sorkar pdeng, ki Corporation bad kum juh ia ki nongtrei kiba don ha ki Bank.
Ka sorkar kala bthah ia u Chief Secretary jong ka jylla ba u dei ban thoh noh mardor ia kane ka shithi ban phah sha ka sorkar pdeng lyngba ka tnad kam poh iing jong ka sorkar pdeng.
Na ka liang jong ka sorkar jylla lyngba ka tnad ka koit ka khiah kala pynlong ia ki jingialang bun sien bad ki ophisar jong ki tnad ka sorkar pdeng kiba don ha kane ka jylla ban ia kren ia kane ka kam. La bthah ia baroh ba lada ki don ruh ki hap ban shong quarantine.
