Kyrpad u Bah Adelbert ia ki paidbah ba kin long jai jai, la shai yn ia kren biang bad ka sorkar

Shillong, Jylliew 03: U Bah Adelbert Nongrum MLA jong ka 17-North Shillong, mynta ka jan miet u la kren sha ki paidbah ha Mawkhar ban kyrpad ia ki ba kin long kiba jai jai bad ba kin ap ia kaei ka jingmih na ka jingiakren bad ka sorkar ka ban long la shai ka sngi.

U Bah Adelbert u la pynshai ba na ka liang jong ki rangbah shnong bad u kum u MLA jong kane ka jaka naduh ka sngi kaba jia u la shim khia ia kane ka kam ban ia kren bad ka sorkar ban weng ia kane ka jingeh kaba la sah teng mynta la bun bun snem.

Ha ka jingiakren kaban long la shai ka sngi bad ka sorkar u bah Adelbert u la ai ka jingkular ha khmat jong ki paidbah ba lada u long marwei ruh yn nym pyndem ha khmat jong ka sorkar. U la pynsngewthuh ia ki samla ban ia khih da kane ka lynti kam long kaba dei namar ba ki dang don kiwei pat ki lad ki lynti ban ialeh da kaba jai jai.

Na ka liang jong u Bah Adelbert u la kyrpad jur ia ki samla ba kin sngap ia kane ka jingkyrpad ba kin long kiba iai shah ban ap ia kaei ka ban mih la shai ka sngi na ka jingiakren bad ka sorkar, u la ong ba ia kaei kaba mih na ka jingiakren la shai ka sngi yn sa pyntip sha ki paidbah.

U Bah Adelbert u la ong ba mynta la lai sngi kala do kane ka jingiakhih hynrei kaei ka jingmih, kane ka jingsiat ia ki kuli pynmynsaw kala ktah ia ki khunlung khynnah bad ia ki tynmen. U la ong ba phi la jied ia kum u nongmih khmat ka dei ka kam jong u mynta ban ia leh na ka bynta ka jingdon kam jong ki paidbah. U la ong ruh ba haduh  mynta ym pat don ba wan ban ia kynduh ia ki paidbah, u la ong ba kane ka jingwan ka jong u ka long ban kyrpad ia ki paidbah ba long kiba ia shah bad ki ba jai jai.

Ha kane ka jingkren sha ki samla ha Mawkhar mynta ka sngi ban kyrpad ia ki ba kin long kiba jai jai la don lang ki nngkit ka shnong jong ka dorbar shnong Mawkhar ha kaba ki ruh kila kyrpad ia ki samla ba kin long kiba jai jai.

What Next?

Recent Articles

Leave a Reply

Submit Comment
*