Shillong, Rymphang 06: U General Secretary jong ka seng lehnoh ka HNLC kaba la shah niew beain ha ka sorkar u bah Sainkupar Nongtraw u ba dei u u nongphah khubor, u la kyntu ia baroh ki seng bhalang ka KSU, FKJGP, RBYF, HNYF, HANM, HYC, JSU, JYF ba kin ia treilang kawei.
Ha ka kyrwoh kaba la phah mynta ka sngi sha ki lad pathai khubor jong ka jylla na katei ka seng na ka liang jong u general secretary jong ka seng lehnoh HNLC, u kyrpad ia ki seng bhalang baroh ba kin ia treilang kawei bad ba kin ia buh noh sha dien ia ka jingiapher jingmut ha pdeng jong ki ban iada ia ka jaidbynriew. La ong u bah Sainkupar Nongtraw.
Ha ka juh ka por la pyntip ruh ba ka seng lehnoh HNLC kala pynthymmai ia ki nongkit kam kane ka seng lehnoh ha kaba, u Bah Boby Marwein, u la shimti ia ka kam Chairman bad kum juh u C-In-C, u Bah Khrawbok Jyrwa kum u Vice Chairman.
Kiwei ki nongkiy kam ki long , u Bah Saiñkupar Nongtraw kum General secretary bad Publicity secretary, U Bah Alex Diengdoh kum u Foreign Secretary, u bah Wanshan Marwein kum u Finance secretary, U Bah Riewpyrkhat Sun kum u organising secretary bad u bah M Rynjah kum u Socio cultural secretary. Kane ka long katkum ka kyrwoh kaba la phah u Bah Sainkupar Nongtraw publicity Secretary ka seng lehnoh HNLC mynta ka sngi.
