Shillong, Nailar 06: Ka KSU South West Khasi Hills District lyngba kane ka Kane ka kyrwoh Ka kren shai ba ki kyrshan ia ki Garo bad ia ka Garo Hills State Movement Committee(GHSMC) hynrei ryngkat kawei ka jingmut ba “Ki dei ban dawa iaki bynta jong ki bad ban nym lushia wat iaka shi inshi Ka khyndew jong ka Khasi Hills”. Kum ka seng kin don hok ban tuklar iaka jingdawa Garoland jong ki hynrei ki ong ruh ia ki ba kim don ka hok ban pyniar iaki thapniang shabar na u pud u sam jong ki kaba mut ban pynkylla ia u boundary ba mynta jongka South West Khasi Hills District bad kiwei kiwei ki jaka jongki Khasi.
Ka KSU kyntu iaka Garo Hills State Movement Committee ba kam dei ban iaid ne bud katkum Ka Proposed Garoland Map ba Ki la submit lyngba ka ANVC ha u snem 2006 sha u Dr. Manmohan Singh uba dei u Prime Minister jong ka ri India ha katei ka por. Dang shen kata haka 03.08.2017 naka liang jongka GHSMC Ka la leit ban ia kynduh ia u Prime Minister Narendra Modi, u Home Minister Rajnath Singh bad ia u President Ram Nath Kovind , “Hooid naka liang jong ngi ngim pyrshah ia ki hynrei tang kawei Ngi ong ia phi ba phi la bakla lada phin nud ban wan tam pud sha ki bynta Ka South West Khasi Hills District, sha kiwei ki District ka Khasi Hills bad lada phi bud iaka Proposed Garoland jong u snem 2006 ka ANVC ka KSU kan nym pdiang.
Katba kum Ka Proposed Garoland Map jong Ka ANVC ha u snem 2006, Ka South West Khasi Hills District kan duh ia Shibun ki jaka naduh Pommudar, Maheshkhola, Khonjoy, Nongjri, Nongkulang haduh Borsora bad Ki bynta ba hajan Ka Ranikor Ka ba ka jingthmu dakhol jubor iaka khyndew tang haka District kan nym duna iaka 100 square Kilometers. Ym tang katta, ha kane ka map la thmu ban knieh jubor ruh ia kiba bun ki jaka Ka West Khasi Hills District bad Ka Ribhoi District.
Naka liang ka seng , ka kyntu ia ki Garo ba kin nym lah ban ong ba tang ba la shongshnong Ki Garo Ka dei ka jaka jong ki naba ia kine ki jaka Kiba bun hi la long trai hi daki Khasi kum ki riewshimet bad Ki Hima bad Ki Garo ki dei tang ki nongshongwai. Na ka liang jong ka KSU , ka kyntu iaki ba ki dei ban kynjoh lang ruh ia Ki syiem bad Ki Sengbhalang Ka Khasi Hills bad Ri Bhoi District khnang ba ka jingdawa jongki kan long kaba jop bad khnang ba kan nym mih kano kano ka jingiakynad hapdeng ki Khasi bad Garo tang naka daw kane ka phang.
Ka KSU ka ong ba na ka liang jong ki Khasi da lei lei ruh kin nym kwah ban ai suk Wat Shi inshi ruh Ka khyndew kampher watla kan poi haduh uno u pud ruh. La ong u Bah Forwardman Nongrem ,President ,KSU South West Khasi Hills District haka kyrwoh kaba la phah mynta ka sngi.
