Shillong, Jylliew 26: Ka Central Executive Committee ha ka jingialang kaba la long mynta ka sngi ka la shong pyrkhat halor ki kyrtong jong ka seng naka bynta ka MDC Election 2019, na ki ar tylli ki constituency kata 18 Mawkhar-Pynthorumkhrah Constituency bad ka 19 Jaiaw Constituency.
Namar ka jingmih jong ki khubor ha kine ki khyndiat bnai, halor ka jingiapan ticket jong kiba bun ki kyrtong ban long ki kyrtong ka seng na kine ki ar tylliki constituency kala buh ia ki paidbah khamtam jong kine ki ar tylliki constituency ha ka jingklumar jingmut.
Da ka jingthmu ban pynkhlain ia ka seng na ka bynta ka MDC election 2019, ka seng ka la dep ban rai khatduh ia ki kyrtong naka bynta kine ki constituency. Na ka 19 Jaiaw Constituency, na pdeng ki 3 ngut kiba la apply ia ka ticket, ka seng ka la rai ban tyrwa sha u paidbah ia U Bah Thomas Passah u ba dei ruh u Vice President ka seng bad ruh u President ka State Youth Wing, ban long u Kyrtong.
Ha ka baiadei bad ka 18 Mawkhar-Pynthorumkhrah Constituency na pdeng ki san ngut kiba la pan ia ka ticket jong ka seng, ka CEC ka la rai ban pynieng da u Bah Rocky Hek. Ha kaba ia dei bad kiwei ki constituency ka seng kan sa shim ia karai bad ban pynlait paidbah ruh ia ka list kaba nyngkong ha kine ki khyndiat por ki ban wan.
