Shillong, Jylliew 23: U Bah AL Hek myntri ka tnad ka koit ka khiah jong ka sorkar jylla mynta ka sngi u la iathuh ba ia ka Bank jong SBI Khanapara la khang khyrdep namar u wei na ki nongtrei la Test COVID-19 Positive mynta ka sngi.
U myntri ka koit ka khiah jong ka jylla Meghalaya u la iathuh ba kane ka Bank ka don hapoh u pud u sam jong ka jylla Meghalaya ha Khanapara jong ka Ri Bhoi District, hynrei u ba shah Test COVID-19 Postive u ba trei hapoh kane ka Bank u sah ha Assam bad ia ka Test ruh la leh na ka jylla Assam.
La iathuh ba ka jingphah khang ia kane ka Bank ka long ban wad ia baroh kito ki briew kiba la leit don kam ha kane ka Bank SBI kaba don ha Khanapara bad ha ka juh ka por ban pynkhuid ia kane ka Bank. Ka jingwad mynta ka long ia baroh kito kiba ia kynduh ia une u briew.
