Shillong, Jylliew 30: Haduh mynta la lah ban pynrung shilak tylli ki long iing hapoh jong ka Megha Health Insurance Scheme (MHIS) bad kane ka trei kam naduh ka 1th Naitung 2017. Da kane ka smart Card ki paidbah ki lah ban ioh ia ki jingsumar baroh ha ki hospital kiba la iateh bad ka sorkar.
U Secretary jong ka tnad ka koit ka khiah jong ka sorkar jylla u Bah HM Shangpliang u ba bat ruh kum u CEO jong ka MHIS, ha ka jingiadon lang ki doctor na ka tnad ka koit ka khiah bad ki heh jong ka New India Assurance Company Limited ryngkat ki hospital jong ki riew shimet kila iakynduhlang mynta ka sngi ha Laitumkhrah ban ia kren ia kane ka kam.
Ia kane ka jingialang la khot kyrpang na ka bynta ban pyntrei kam noh ia kane ka smar card naduh la shai ka sngi ia ka MHIS ka bynta kaba III. Ha kane ka jingialang la ioh jingkhein ba palat ia ka shilak ki long iing kila pynrung kyrteng ha kane ka skhim.
