Shillong, Nohprah 07: Ki nongtrei jong ka Meghalaya Cherra Cement Limited (MCCL) la shai ka sngi kin pynlong ia ka jingiakhih shah thngan kaba khlem buh por ha khmat ophis jong ka kompnei kaba don ha Shillong.
Haba kren ha u SP News Agency u bah Shanlang Diengdoh President ka seng ki nongtrei hapoh MCCL, u la ong ba la shai ka sngi kin wan kiew sha Shillong ban pynlong ia kane ka jingiakhih shah thngan ha khmat ka ophis jong ka MCCL kaba don ha Shillong.
Lah ban pynkynmaw ba ki nongtrei jong ka MCCL kila pynlong ia ka jingiakhih mynta u bnai saw sngi lynter ha Sohra ha ka jaka ba don kane ka karkhana shna Dewbilat bad ha dine katei ka jingiakhih kila shim ia ka rai ban wan kiew sha Shillong ban pynlong ia kane ka jingshah thngan.
Na ka liang jong ka sorkar ha kaba ia dei bad kane ka karkhana ka sorkar mynta ka don ha pdeng ka jingpyrkhat ban leh ha kano ka rukom ban pynim ia kane ka karkhana lada ka sorkar kan beteng ban pyniaid ia ka ne ka sorkar ka hap ban ia trei lang bad ki kompeni shimet ban pynia ia kane ka karkhana shna dewbilat.
