Shillong, Nailur 04: Ki nongkit kam jong ka Pynursla Block Congress Committee (PBCC) kin ia kynduh lang la shai ka sngi ban ia kren halor ka jingpynduh noh jong ka Meghalaya Pradesh Congress Committee (MPCC) ia ka PBCC khlem da kynjoh ktien ia ki nongkit kam jong pa party hapoh jong katei ka Constituency.
Katkum ki tyllong khubor kiba ia jan bad ka seng Congress na katei ka thain ki pynsngew ba kane ka jingleh jong ka MPCC kala pynbitar ia ki nongtrei seng, hato tang ba leit kyrshan PDF u MDC yn pyndam ia ka PBCC ka jingkhlain jong ka party kam dei na u MDC. Hynrei kane ka jingleh jong ka MPCC kala pyndiaw ia ki nongkit kam jong ka seng Congress.
Ki nongialam jong ka seng Congress na Pynursla kin ia kynduh la shai ka sngi ha Shillong ba ia kren ia kane ka kam bad la sngewthuh ba la shai ka sngi kin shim ia ka rai bad la shai ka sngi ki nongialam jong ka seng Congress na baroh ki Unit ki lah ban mih noh na ka seng Congress.
