Shillong, Naitung 06: Mynta ka sngi u Chief Executive Member jong ka KHADC u bah Titosstarwell Chyne u la wan biang ia ka “Khasi Hills Autonomous District (Khasi Social Custom of Clan Administration) Bill, 2018.
Haba wanrah biang ia kane ka Bill hapoh ka iing dorbar, u CEM jong ka KHADC la ong ba ia kane ka Bill la wanrah hapoh ka iing dorkar ha ka 20th Naiwieng 2018 bad la pdiang ia ka ha ka 22th Naiwieng 2018 bad la phah sha u lat jong ka jylla ban pan ia ka jingmynjur .
Haba ia dei bad kane ka Bill, u Lat ka jylla u la phah biang sha KHADC ryngkat ka jingthoh ha ka 6th Jymmang 2019, ban bishar bniah ia kane ka KHADC kala thaw ia ka kynhun peit bniah kaba kyrpang ia kaba la tip kum ka “Advisory Committee on Law and Traditional Affair” ba kan peit bniah ia kane ka Bill.
Katei ka Committee kala shong bun bun sien ha kaba bun bah ki jingiashog oyrkhat kamha kaba la bun kiba wan ban ia shim bynta ha ki jingialang bad ia kane ka Bill la pynshong nongrim kum ka jaid bynriew kaba shim jaid na ka kmie.
Ka Committee kala phah ia kane ka kaiphot halor kane ka bill sha ka Executive Committee bad ha dien ba la ioh ia ka kaiphot kala shong pyrkhat bniah bad mynta ka wanrah biang ia kane ka Bill hapoh ka iing dorbar ha dien bala wanrah katto katne ki jingpynbiang ha kane ka Bill.
