Lada kane ka jingleh ka COMSO ka dang beteng ka sorkar ka hap ban peit ia kata: Lahkmen

Shillong, Rymphang 13: U myntri kam poh iing u bah Lahkmen Rymbui  u la ong ba lyngba ka phone u ka ia kren bad ki nongialam ka COMSO ba u kwah ban ia kynduh ia ki mynta ka sngi bad halor ka jingkhot kila wan ia kynduh kumba la khot.

Haba kren ha ki lat pathai khubor ha dien ka jingiakynduh ia ka kynhun COMSO, u myntri kam poh iing u la ong ba ha kane ka jingiakynduh mynta ka sngi u la ong ba ki dei ban sangeh noh ia kane ka jingkhynra ia ki briew kiba wan rung sha ka jylla.

Kane ka jingleh kin don ki briew ki ban shim kabun bad ka lah ban poi u pud ban nym lah ban tehlakam, na ka liang jong ka sorkar kan nym lah ban shu shong kli kti na ka bynta ka shong suk shongsain ha ka jylla ka sorkar ka hap ban peit.

U myntri u la ong ia ki nongialam jong ka COMSO u la ong ba lada kane ka jingleh jong ka COMSO kan dang iai beteng , ka sorkar kan nym lah ban shu peitkai ka hap ban peit ia kata, na ka liang jong ki kila pynsngew ia ka jingsngew ka jong ki, hynrei u la kren shai ha ki ba ia kaei kaba phi leh ha Byrnihat bad ha Ratachera kata ka dei da kawei ka phang namar u DIP jong ka infiltration u la kren ia kata.

Hynrei kumba ka long mynta ka sorkar kala maiphang  bad shim khia ha kaba ia dei bad ka jingdawa ILP, u myntri ong ba um kwah ban iohi ba kan mih kano kano ka jinghuri hura hapoh ka jylla. Hynrei lada kane ka jingkhynra kan dang iai beteng na liang jong ka sorkar ka hap ban leh ei ei na ka bynta ka jingshong shngian jong ki paidbah.

Haba kane ka jingiakren na ka liang jong ka COMSO kila ong ba kin sa ia peit ia kane ka jingkyrpad na ka liang jong ka sorkar. Na ka liang jong myntri u la ong ba ka jingkhang jong u ka plie ban ia kren ia kino kino ki jingeh haba ki don, ngan sa khot ia kiwei ki seng bhalang ban ia kren.

Ka jingkwah jong ka sorkar ka long ban peit ba ka jingshong shuk ha ka jylla,halor ka jingkynnoh ka congress ba ka jingleh ka COMSO ka long beain, na ka liang jongu myntri u la ong ba haba kam pat don kano kano ka jingshim ia ka ain ha kti ki hap ban peit ban ong ka long beain ne kam long beain ki hap ban peit na baroh ki liang.

What Next?

Recent Articles

Leave a Reply

Submit Comment

*