Shillong, Lber 26: Ka dorbar mang tyngka jong ka Jaintia Hills Autonomous District council kan sdang ha ka sngi Balang, ka 28 tarik mynta u bnai bad ha kane ka dorbarmang tyngka ka lah ban don ka “ No Confidence Motion” pyrshah ia ka Executive Committee kaba la lam khmat da u bah A.Andrew Shullai kum u CEM.
Katkum ki tyllong khubor kiba kiba ia jan bad ka seng Congres ki iathuh ba ka dorbar mang tyngka hapoh jong ka JHADC kan sdang ha ka sngi Balang bad ki khmih lynti ba ha kane ka dorbar mang tyngka kan don ka motion bym don jingshaniah shuh ia ka EC kaba la lam khmat da ka seng Congress.
La ong ba kum kane ka jingjia ka juh jia na ka por sha ka por ha ki District Council haba ka don ka jingkylla hapoh jong ka sorkar la tip ba ka jingkylla kan don ha ki District Council kumba la jia mynta ka sngi ha GHADC la ong u wei na ki MDC jong ka seng Congress na JHADC.
