Lap ka HYC ba bun ki dukan die dawai ba khlem kot khlem sla ha iew Shallang WKH District

Shillong, Nailar 21: Ka seng HYC ha dien ba kala ioh ia ki jingujor bala jyllei ki dukan die dawai jong ki briew kiba na sha bar ha ka Seng iaka jingjyllei ki dukan die dawai ha iew Shahlang kaba la palat khlem kot khlem sla.

Ka seng HYC na Umdang area unit hapoh ka jingialam U Samla Edmond Mawsor General Secretary ryngkat ki dkhot ka seng myn kala hiar ha iew Shahlang ryngkat bad ki Nongtrei ka DHMO bala ialam da u Bah B.C Kharsyntiew drug inspector ban leit jurip ia ki dukan.

Ha kane ka jingleit jurip na ki san tylli ki dukan die dawai la shem ba tang ar tylli ki dukan kiba biang ki kot ki sla bad la lap 3 tylli kim biang ki kot ki sla,u drug Inspector bad ka seng ka la khang noh shisyndon iaki tei ki dukan ba kim dei shuh ban plie.

Hakane ka jingjurip la lap ruh don kiba buh iaki dawai Bala kut por ha kitei ki dukan bar jylla hato ki mut aiu ki die ki dawai bala kut por, hato ki mut ban pynjot iaka thain la kylli ka seng HYC.

Ka seng ka maham jur lada ki dang lap kin ai da ka  FIR beit nangne shakhmat bad ki dang bud dien shuh shuh.ka seng ka dawa ba ki bor shnong kim dei shuh ban dang ai NOC pathar namar katei ka Jingai NOC ka la lam sha ka jing laitluid iaki bar jylla ban Khaii pateng.

Ka HYC ka kyrmen ba u Drug inspector un sa leh eiei bad ka seng ruh kan dang buddien bad kin iai leit jngoh ia ka Iew Shahlang namar ka jingthmu ka seng ka long  ba iew Shahlang kan dei noh Jong ki Paitbah ka thain bad kan long noh ka Iew ki trai shnong namar ha kine ki por bala dep la kam trai da ki bar jylla.

Kumba ka seng kala iai dawa ba naduh ki shnong kim dei shuh ban ai NOC iaki dukan bar jylla bad u Syiem ka Hima Nongstoin bad KHADC kim Dei shuh ban ai Trading licence iaki dukan bar jylla namar bun ki Samla Khlem kam kin ioh kan noh dakaba shong dukan ha iew Shahlang, kane ka long katkum ka kyrwoh kaba la phah da u Phersngi Nongbri President HYC Umdang area unit.

What Next?

Recent Articles

Leave a Reply

Submit Comment

*