Shillong, Jymmang 25: U bah Latiplang Kharkongor u ba dei u MDC khlem seng na ka Nongthymmai constituency hynne ka sngi u la wan ban ai mynsiem ia u bah Ardent Miller Basaiawmoit halor ka jingshah thngan jong namar ka reservation policy.
Haba ioh ban iakren bad ki nongthoh khubor u bah Latiplang u la ong ba kane ka mat ba ka VPP ka shim ban dawa ka long kaba dei eh bad na ka liang jong u u la ong ba u wanpoi ha katei ka jaka ruh ka dei ba u kyrshan ia kane ka jingdawa.
U la ong ba kaba pynlong ia u ban wan ban kyrshan ia kane ka ishu ruh namar ba u sngewthuh ba ka 40% jong ki Garo bad ka 40% jong ki Khasi-Jaintia ka long ka bym iahap shuh ia katkum ka ratio. Namar ki Garo ki don ka jingbun paid tang 9 lakh katba ki Khasi-Jaintia ki dun hadun 14lakh ka jing bun pait.
U la ong ba 50 snem ki la iaid bad la iohi ba kane ka kam iahap shuh, ka la donkam ban pynthymmai ia kane ka reservation policy dei halor kane ka nongrim kaba la pynlong ia u ban wan ban ai mynsiem bad ban ai ka jingkyrshan ia I bah Ardent.
U bah Latiplang u la bynrap ruh ba kiwei ki political party ki la dei ban sngewthuh ban leh eiei, namar kane ka dei ka sur u paitbah bad ka ba dei ruh ka lawei ki khun samla jong ka jaitbyndriew.
