Shillong, Iaiong 28: Ka seng Hynniewtrep People Front (HPF) jong ka Ri Bhoi District ha ka Balang kala leit sha shnong Mawlasnai ban ai jingiarap ia kawei ka long iing kaba la sah khunswet, na ka liang ka seng ka kyntu ia kiba don ia ka mynsien ban iarap ki lah leit ban iarap lem.
Ha kane ka jingleit na ka liang jong ka seng HPF Ri Bhoi la ialam da u General secretary ka seng bah J.F Tmung ha ka jingiadon lang kiwei ki dkhot ka seng lem ki seng samla shnong Mawlasnai hapoh ka jingialam u bah Stadlang Masharing bad ki riew rangbah ka shnong Mawlasnai, u President ka seng HPF Ri Bhoi ruh u bah Apbor Nongrum u la ia donlang.
Kane ka long iing kaba la shah ieh khun swet ki don hynriew ngut shipara bad ba pyndap ia ka iing ka sem mynta dei na ka jingtrei shitom jong u hynmen rangbah, na ka liang jong ka HPF kala noh syniang kat ia kaba kala lah ei kum ka dak ban kyrshan lem ia kane ka iing, la ong u bah J.F Tmung ha ka kyrwoh ba dei general secretary ka seng.
