Shillong, Nailar 26: U myntri rangbah ka jylla u Dr Mukul Sangma mynta ka sngi u la leit kynsan ban jongoh ia ka Civil Hospital Shillong ban lap da la ki jong ki khmat ia ka jinglong jingman jong kane ka Haspital kaba heh duh ha ka jylla kaba don ha duh 600 jingthiah, kaba dei jong ka sorkar.
U myntri rangbah u la ia kynduh bad ki paidbah kiba la wan ban thiahpang ha ka jaka sumar jong ka sorkar bad u la buh shibun ki jingkylli na ki paidbah kiba thiah pang, bad ka jingylli kaba ha khmat eh ka long halor ka MHIS Card kaba ka sorkar kala leh kyrpang na ka bynta jong ki paidbah.
Haba kren ha ki nongthoh khubor ha dien ba u la dep ban jurip ia kane ka jaka sumar na ka liang jong u Dr Mukul u la ong ba dang don kam shibun kiei kiei ba dei ban pynbha shuh shuh ia kane ka jaka sumar jong ka sorkar jylla.
U la ong ba u la lap ba ki don ki briew na West Khasi Hills District, Jaintia Hills District kiba wan shah sumar ha Civil Hospital Shillong bad kane ka kren shai ia ka jinglong jingman jong ki jaka surmar kiba don sha kiwei ki District,
Kumba ka long ka long kaba eh b aka hospital kaba don ha duh 600 jingthiah ki nurse kin don tang 145 ngut , la ong ba ia ki kam kiba la dep ban mang la ar snem mynta ruh ym pat lah ban thung lut na ki daw kiba ym lah ban kiar.
Ka sorkar ka tip ia kine ki jingeh bad ka kwah ban iohi ba kane ka jaka sumar jong ka sorkar kan long kum ka jaka ha kaba ki wei ki civil hospital na ki district kin phah ia ki briew sha kane ka jaka ha dien ba ki kim lah shuh ban sumar ia ki nongpang.
Na ka liang jong u myntri rangbah ka jylla u kwah ba kane ka Civil Hospital jong ka sorkar jylla kan biang lut ia baroh ki kam ban test ia ki nongpang kiba wan ban shah sumar ha kane ka jylla. Kumba ka long mynta ym lah shuh ban pyniar ia kane ka jaka sumar namar kam don shuh ka jaka .
