Shillong, Risaw 29: U Myntri ka tnad shna surok u Martin M Danggo u la buh ia u mawnongrim na ka bynta ban pynbha ia ka surok na MBGM sha Mawpyllun ha ka jinglut kaba T.10.98 klur bad ka jingjrong kane ka surok ka long 7 KM. Ia kane ka skhim la mang pisa lyngba ka skhim RIDF XXII.
Sa kawei pat ka surok kaba u myntri ka PWD u la buh Mawnongrim ka dei ia ka surok na M&BT na shnong Shipapara bad kan leit sha Rajapara ka jingkrong kane ka sruok ka long 5 km bad ka jinglut na ka bynta kane ka surok ka long T.8.5 klur ia kane ka surok ruh la mang pisa na ka skhim RIDF XXII.
Ka jingbuh mawnongrim ia kine ki ar tylli ki surok kiba hap hapoh jong ka Ranikor Constituency la buh ha ka 28 tarik mynta u bnai ha ka jingiadon lang u Secretary jong ka PWD, u Bah P Marwein bad u Chief Engineer jong ka PWD u Bah L D Suchiang, ryngkat ki paidbah jong kitei ki shnong.
Ka surok na MBGB sha Mawpyllun ka dei ka surok kaba la rim bha hynrei kala sniew sha ba palat bad ka jingjrong kane ka surok ka long haduh 7 km bad ha kane ka jingpynbha ia ka mynta ka kyntuplang lang ruh bad ban siang rong. Katba ia ka surok na Shipapara sha Rajapara kaba jrong 5 km ka dei ka surok kaba hap ban shna thymmai.
Na ka liang jong u MLA jong kane ka jaka u Martin M Danggo u ba long ruh u myntri ka tnad shna surok jong ka sorkar jylla u la ong ba da ka jingioh ia kine ki ar tylli ki surok kiba ong ha khappud bad ka Bangladesh kan iarap shibun ia ki briew ban pynsuk ha ka leit ka wan ka jong ki paidbah jong ka thain hi baroh.
