Shillong, Jylliew 17: Ka KHNAM ka pynpaw ia ka jingpyrshah kaba jur halor ka jingthmu ban jer kyrteng ia kawei ka surok kaba juh tip kum ka zig-zag road Sha ka Ardendhu Choudhary Road.
Ka long kaba kham sngewlyngoh bad ruh ban iohi ba U MLA ka thain u bah Shanbor Shulai u kyrshan bad mynjur ban ai kyrteng Nongwei ia ka surok , ka kham kala kynnoh ba u bah Shanbor u la ong ba ka rai ban pynkylla ia ka kyrteng kadei ka jingaijingmut jong ka Greater Laban Society.
Na ka liang jong ka KHNAM ka buh ia jingkylla ka long kiei Kita ki nongkitkam lane ki dkhot jong kane ka society? bad kaei ka authority Jong ka Society halor ki Kam kiba Kum kine? Katkum ka khubor u MLA u la pyntip ba u la pyrshang ban pynsngewthuh ia ki seng bhalang.
La ong ba u bah Sanbor u la batai ia ki ba une u Ardhendhu Choudry u dei u MLA ba rim bad u briew ba bha, ka KHNAM kwah ban pynsngewthuh ia u bah Shanbor Pat, ba ka mat Kam dei shaphang ka jingbha lane ka jingsngew jong u briew, hynrei kumno ban pynneh pynsah ia ka tynrai bad ka jaitbynriew la jong kim duna ia ki briew ba bha.
Kane ka pynpaw ba lehse U MLA ka south Shillong u kwah ban ioh jingmyntoi politic, khamtam ba ka constituency south shillong . Na ka por sha kapor la sakhi ba u MLA ka south Shillong u juh iakhun naka bynta ka bha ka miat ki rithor naduh ki mat trading licence bad kiwei kiwei, la kynnoh ka KHNAM.
Ka Seng ka kyrshan bad kyntu ia ki dorbar shnong bad ki kynhun seng bhalang Jong ka thain, ban ym dei ban ai lad ia ki kyrteng rithor ban ioh nongkynti ia ki kyrteng ki surok , kane ka long katkum ka kyrwoh kaba la phah da u bah Thomas Passah President ka KHNAM Youth Wing.
