Shillong, Kyllalyngkot 22: Ka sngi ban sdang ia ka jingthep nomination ka dang sah sa tang 9 sngi mynta hynrei da bun ki party kim pat pynbna ia ki kyrtong jong ki mano ban ia khun ia kane ka MLA election.
Katkum ki thymmai khubor kiba la lah ban ioh la sngewthuh ba na ka liang jong ka party Congress kan pynbna mynta ka taiew ha dien ka jingiakynduh jong ka ka ban long la shai ka sngi.
Na ka liang jong ka BJP ruh la sngewthuh ba kan pynbna mynta ka taiew ia ki kyrtong jong ka party, ka jingpynslem ka long ba ka don ka jingiatan tyllai kaba jur hapoh jong ka party ha kaba ia dei bad ka tiket.
Na ka liang jong ka NCP la sngewthuh ba mynta ka taiew kan pynbna ia ki kyrtong jong ka ha baroh ki konstitwensi kaba kan pynieng kyrtong. Na ka liang jong ka NCP kan ialeh ban pynieng kyrtong haduh 42 konstitwensi.
