Na ka bynta ki 50 hajar ngut ki nonghikai ha jylla, pynlut ka sorkar T.2200 klur: Conrad

Shillong, Jylliew 14: U Myntri rangbah ka jylla u Conrad K Sangma mynta ka sngi u la plie ia ka iing skul thymmai jong ka Mohan Massar U.P School ha  Mawprem ia kaba la bei pisa ban shna ia ka da ka kynhun  Round Table India Trust.

Haba kren ha kane ka jingialang, u myntri rangbah u la ong ba ka jylla Meghalaya ka don 50000 ngut ki nonghikai ha ka jylla baroh kawei bad ka jingpynlut jong ka sorkar na ka bynta ban siew ia ki kala kot sha ka T.2200 klur tyngka ha ka shisnem, la ong ba ka tnad pule kala dei kawei na ki tnad sorkar kiba ka sorkar kala shim khia ban kyntiew ia ka pule ha ka jylla.

Na ka liang jong u myntri ranbah ka jylla u la pynpaw ia ka jingsngewnguh ia ka kynhun Round Table India 252, Shillong kaba la leh ia kane ka kam bah ban ia tynrong lem ia ka pule puthi ha kane ka jylla Meghalaya, u la iathuh ruh ba na ka liang jong u u la juh ai na ka tulop shibnai shiteng lai lak tyngka ban shna skul sha ki nongkyndong bad lada ki MLA ki leh lang kan long kaba jingmyntoi ia ki paidbah.

U myntri rangbah ka jylla u la wanrah ia phang ban ia pyrkhat lang ba balei ki samla pule ha ka matrik ki phail bun bha, na kine ki san snem kiba la leit noh ka jingpang ka long tang ha pdeng 50% haduh 55% kane ka kren ba mart shiteng ki khynnah ki dei kiba phail, kane ka long ka bynta ba hap ban ia mir jingmut lang ym ban ia tei pop iwei iwei.

Ka jingeh ha kaba ia dei bad ki skul sha ki nongkyndong ha ka jylla, kumba 70% na ki skul kim don ia ka umdih, 50% na ki iing skul ha ka jylla kim don ia ka light, u la ong ba ka pule puthi ka dei kum ka snam kaba tuid ha u briew, lada thut ka snam ka thud lut baroh ka met, kum juh ha ka pule puthi lada ka thung ka ktah lut ia ka lawei jong ka jylla hai baroh kawei.

Na ka liang jong u myntri rangbah u la ong ba na ka liang jong ka sorkar kan sa peit ia kaei kaba lah ban leh na ka bynta kane ka skul, halor ka jingpan ban kyntiew ia ka kyrdan pule kam don jingeh ia ka sorkar ban ai jinbit hynrei hato ka skul ka lah ne em ban pynbiang ia ki kyndon.

Ha ka jingkren jong u Bah Lahkmen Rymbui, u la ai ka burom sha ka Round Table, Shillong ba kila lah ban leh ia kane ka kam, ha ka juh ka por u la kyntu ia kiwei ki seng bhalang ruh ba kin bud ia kane ka nuksa. U la ong ba da ka jingdon ia kane ka iing skul kaba thymmai kyrmen ba ki khynnah kin wan ban rung ban pule ha kane ka skul.

Kiwei kiba la kren ha kane ka jingialang ki long u  Area Vice Chairman, Round Table, Robin Agarwala, Chairman, Shillong Round Table, Vikram Singhania, Sq Leg Amit Singhania bad ka Chairperson, Ladies Circle, Gunjan Singhania.

What Next?

Recent Articles

Leave a Reply

Submit Comment

*