Na ki 33 tylli ki kam ba lait ha NEPA, ym shym la mang bhah ia ki ST ka jylla Meghalaya

Shillong, Naiwieng 30: U Bah Thomas Passah President jong ka KHNAM, youth Wing u la ong ba ka North East Police Academy ha ka 26 tarik mynta u bnai kala pynbna paidbah ba ka don ka jinglait kam ha katei ka jaka 33 tylli.

U tei u nongialam jong ka KHNAM u la ong ba na ki 33 tylli ki kam, phra tylli la mang kyrpang, hynrei na kine ki phra tylli kiba la mang kyrpang kam shym don na ka bynta ki Riewlum lane kita ki schedule tribe jong ka jylla.

Ki samla jong ka jylla kila hap ban phet sha kiwei pat ki jylla ban trut ia ka maw ka dieng ban wad kam wad Jam katba ha jylla la jong ym don ba plielad ia ki.  Kam myntoi ia u. myntri rangbah ka jylla ban ong ba ki samla kidei ban ieng ha la ki jong ki kjat lada ka sorkar kam wad lynti lem.

Na ka liang jong u Bah Thomas u la ong ba lada ka NEPA ka pynbna paidbah ia ka jinglait kam kala dei ban buh bhah kyrpang ia ka jylla Meghalaya. Ka KHNAM ka kyntu ia ka sorkar ba ka dei ban tuklar halor kane ka phang.

U Bah Thomas ha ka jingpynlait khubor u la ong ba ka sut na ki bank ka long ha duh 13% kumno kien ki samla ki lah ban ieng ha la ki jong ki kjat haba tang ban shim ram ruh kim lah.

 

 

What Next?

Recent Articles

Leave a Reply

Submit Comment

*