Shillong, Nohprah 04: U Bah Comingone Ymbon myntri ba dei peit ia ki kam bording, General Administration Department, Community bad Rural Development, ha ka shithi hiar shuki kaba u la phah sha u myntri rangbah u la ong ba ka dei na kid aw shimet jong u ba u hiar shuki noh.
Kane ka dei ka shithi kaba ar lain kaba la thoh da u Bah Comingone Ymbon sha u myntri rangbah ka jylla u Dr Mukul Sangma ha kaba u la ong “ Nga phah ia kane ka shithi hiar shuki ka jong nga kum u myntri ba dei peit ia ka tnad,Power, General Administration Department, Community and Rural Development, naduh mynta ka sngi 4th Nohprah 2017, na kid aw shimet jong nga”.
Haba ia dei bad kane ka jinghiar shuki haduh mynta ym pat lah ban tip la u myntri rangbah u la pdiang ne em ia kane ka jinghiar shuki jong u myntri,namar ba mynta u Dr Mukul Sangma u dang don sha nongbah Delhi ban ia shim bynta ha ka jingjied ia u president jong ka AICC.
