Shillong, Iaiong 16: Na pdeng ki Hospital ha ka Groub B, ka hospital NEIGRIHMS kala shah jied ban ioh ia ka khusnam “KAYAKALP AWARDS” bad ryngkat ka pisa T.1.5 klur tyngka na ka bynta ka snem 2017-2018.
Na ka liang jong u Prof Dr D.M Thappa u la ai ka jingiaroh ia baroh ki nongtrei jong ka Hospital ba kila trei shitom ban wanrah ia kane ka jingjop bad u la ong ia la ki jong ki nongtrei jong ka Hospital “ ka jingtrei shitom jong phi kala siew kylliang mynta”.
Ha kane ka jingiakop ban ioh ia ka nam na pdeng ki hospital ha ka Group B ban long kaba khuid tam, ka NEIGRIHMS kala rah ia ka nam lah ba duh ha jingkhuid bud sa ka AIIMS Bhuneshwar, NIMHANS Bangalore, AIIMS Rishikesh .
