Shillong, Naiwieng 15: Ka Dr Ampareen Lyngdoh myntri ba dei peit ia ka tand pathai khubor jong ka sorkar jylla ka MLA jong ka Shillong East, ka long ba haduh mynta ka dang shim ba u Bah Antonio War u dang dei u MDC jong ka seng Congress namar ba u la jop na ka seng Congress ia ka Election.
Haba kren ha ki nongthoh khubor ha dien ba la dep ban plie ia ka Travel and Tourism Bazaar (TTB) kala ong ba kam long kaba phylla ba ki nongialam seng sain pyrthei ba kin ia leit na kawei ka party sha kawei ka party haba la jan ka elkshon kane ka jia ha baroh ki party ym tang ha ka seng Congress.
Hynrei kawei kaba ka Dr Ampareen kala kren ka ong “ ban long nongialam kam da thew eh ban long myntri rangbah, hynrei lah ban trei bad ban ialam ha kano kano ka kyrdan kaba ki bat, kampher haba don u nongialam u ba biang”. Lada don kiba mih na ka seng Congress bad leit sha kiwei ki seng kata ka dei ka mon ka jong ki.
Ha kane ka sngi na ka liang jong ka Dr Ampareen kala kren shai ba ka rai baroh ka shnong ha u paidbah, kum ki nongmih khmat kiba la shah jied ha u paidbah ki hap ban trei shitom na ka bynta jong u paidbah, kaei kaei baroh ka dei ha ka jingtrei shitom, ka ne ka myntri hapoh ka sorkar jong u Dr Mukul Sangma ka kam ba ka seng Congress kan dang wan ha ka bor ha u snem 2018.
